Transcription
1
Monseigneur, ce matin à mon arrivée des champs où je fus hier
2
pour quelque affaire, la lettre qu’il vous a pleu m’escripre m’a
3
esté rendue, pour responce à laquelle je vous diray, monseigneur, que
4
depuis six sepmaines en çà, j’ay fourny à monsieur d’Aragon, qui a la
5
charge generalle de la distribution des deniers pour le payement de la
6
gendarmerie pour monsieur Adenet, qui est receveur general des tailles d’icelle en
7
ce pais, la somme de VIm VIIIc LXXVIII L[ivres] pour la contribution qu’en
8
debvoit ce pais du quartier d’avril, may et juing dernier, laquelle somme
9
est querrée de present en ses mains et y sera jusques à ce qu’elle soit
10
levée par mandement du trésorier ordinaire des guerres duquel, si le
11
tresorier de votre compagnie a son assignation, il n’y a nulle doubte que les
12
deniers-cy ne luy en soient fourniz ; et si vous estes asseuré qu’il soit
13
ainsi, vous pouvés mander messieurs les commissaires contreroulleurs
14
et tresorier pour votredite monstre. J’en advertiray ce pendant
15
ledit d’Aragon afin qu’il en soit plus prest, ce que je m’asseure
16
il sera, pour le desir qu’il a de vous faire très humble service, comme
17
je feray aussi quand il vous plairra me faire cest honneur de
18
me commander pour les grandes obligations que j’y ay pour mon acquict,
19
desquelles je ne puis de present que faire une prière à Dieu vous donner,
20
Monseigneur, en très bonne santé contente vie. A Grenoble, ce
21
XVIIIe aoust 1572.
22
Votre très humble et très obeissant serviteur
23
Lyonne
24